Wei spillen ech ?
Spillreegel
Klickt op 2 Memorykaarten. Wann se net identesch sinn, dréien se sech nees em.
Spillt esou laang bis der 2 identesch Kaarte fannt.
Dir kritt da praktesch Informatiounen zum Thema Liewensmëttelsécherheet zu der Photokoppel. Duerno kennt der weiderspille bis der déi 10 Koppelen fonnt hutt.
Allergenen
Mam Hercule Poirot op der Sich no minimale Spuere vun net deklaréierten Allergenen. D’Opziele vun Trace vun Allergenen ass net obligatoresch. Wann Dir Liewensmëttelallergieën hutt a wann Dir Zweifel iwwert d’Presenz vun Tracen hutt, da consomméiert de Produit net oder kontaktéiert den Hiersteller.
Weider spillen
Symboler
Wéi Kleeder hunn Objeten, déi a Kontakt mat Liewensmëttel solle kommen, och Etiketten fir déi richteg Benotzung. Jee no de Materialien an den Objeten ass eng richteg Benotzung wichteg, fir d’Kontaminatioun duerch Migratioun aus dem Material an d‘Liewensmëttel ze verhënneren.
Weider spillenEntdeeën
Ween op d’Kiermes geet, deem seng Plaz vergeet ! Liewensmëttel, déi eng Kéier am Tifküler waren, däerfen net méi zeréck dohinner. Duerfir entdeet nëmmen esou vill Liewensmëttel, wéi Dir direkt braucht. A wann Dir Fleesch, Fësch oder Mieresfriichten entdeet, da benotzt separat Plateauen fir ze verhënneren, datt d’Flëssegkeeten, déi beim Entdeeën entstinn, aner Liewensmëttel kontaminéieren. Entdeet Är Liewensmëttel bei niddregen Temperaturen (am Frigo).
Weider spillenBee wraps
To bee or not to bee wraps ? Bee wraps soll een nëmme fir Friichten a Geméis huelen. A keng kafen, déi mat Jojobaueleg traitéiert sinn, well dësen Ueleg toxesch kéint wierken.
Weider spillenAluminium
Den Aluminium geet gären op d’Rees. Hie migréiert gären a Liewensmëttel, déi ganz saierzeg oder salzeg sinn, fir dann an eise Kierper ze wanderen. Näischt hält hien op, ausser eng onduerchlässeg Schutzschicht. Duerfir liest bei Aluminiumsverpackungen ëmmer genee d’Gebrauchsanweisung.
Weider spillenIndustriell hiergestallte Pesto
Traut net sengem grénge Mäntelchen ! Industriell hiergestallte Pesto huet oft iwwerraschend Zoutaten. Liest d’Lëscht vun den Zoutaten ëmmer am Detail, wann Dir eng Liewensmëttelallergie hutt. Niewent onerwartenen Zoutaten wéi: Koriander, Sonneblummenueleg, Rucola, Gromperflocke kennen och allergen Inhaltsstoffer dra sinn wéi Jughurt, Ricotta, Kakuetten, verschidden Hülsefriichten a ganz oft Cashewnëss.
Weider spillenGefligel
Wien hätt geduecht, datt de Poulet eng Fleeschzort ass, déi isoléiert muss ginn, well heiansdo krankmaachend Keimen drop sinn? Denkt drun, all Geschier, réi Liewensmëttel an esou guer Är Hänn gutt ze wäschen, wa se mat Poulet a Kontakt waren. Gefligel muss ëmmer duerchgekacht sinn an däerf ni rosa giess ginn. D’Hëtzt mécht d‘Keime futti.
Weider spillenMëllechschockela
De Mëllechschockela ka säi Spill gutt verstoppen. Esouguer d’Gurmangen ënnert Iech sollten ëmmer d’Lëscht vun de Zoutate liesen. Um Packaging mussen all Inhaltsstoffer dropstoen, also och wann Nëss am Schockela sinn.
Weider spillenFritten
Fritten, déi ze vill brong sinn, kënne schiedlech si fir Är Gesondheet. Den Acrylamid, deen entsteet, wa Liewensmëttel mat vill Stäerkt an niddreger Fiichtegkeet mat héijer Temperatur frittéiert ginn, kann Är DNA beschiedegen an dozou bäidroen, datt Kriibs entsteet.
Weider spillenBakterien an Temperaturen
D’Juegd op d‘Bakterien fänkt un ! Tëscht 10 a 65 Grad Celsius fille si sech wuel a reproduzéieren sech op de Liewensmëttel. Stockéiert Är Liewensmëttel bei der richteger Temperatur: 4° C fir de Frigo an -18°C fir den Tifküler.
Weider spillen